eTrex Touch 25

Vörunúmer: 010-01325-01

39.900 kr.

Fjölskylduvænt GPS tæki með snertiskjá, hæðatölvu og forhlöðnu evrópukorti.

  • Hentar í hina ýmsu útivist –  bara velja prófíl og leggja af stað
  • Forhlaðið með landakorti af evrópu
  • Hjólafesting fylgir
  • Bjartur og næmur 2,6″ snertiskjár
  • 3ja ása rafeinda áttaviti
  • Hægt að hlaða niður ferlum og leiðum í tækið
  • Pappírslaus fjarsjóðsleit með 250.000 forhlöðnum punktum
  • Vatnshelt niður á 1 meter í 30 mínútur

Á lager   

Vörunúmer: 010-01325-01 Vöruflokkur

Lýsing

 

eTrex Touch 25 er nýtt útivistartæki sem hentar bæði byrjendum og þeim sem lengra eru komnir, hvort sem verið er að stunda hjólreiðar, fjallamennsku, göngu eða aðra útivist.

eTrex er búið að vera vinsælast og mest selda GPS útivistartækið síðustu 15 ár. eTrex Touch 25 er nýjasti meðlimurinn í eTrex línunni og er þægilegur og einfaldur í notkun. Tækið kemur forhlaðið með Evrópukorti og fyrirfram uppsettum prófílum fyrir hina ýmsu útivist. Einnig er hægt að tengja tækið beint við snjallsíma og fá þannig meldingar um símtöl og önnur skilaboð, beint úr símanum yfir í tækið. Með tækinu fylgir svo hjólafesting, svo að tækið er tilbúið til notkunar, hvort sem þú ert að fara að hjóla eða ganga.

 

Rataðu á einfaldan hátt

eTrex Touch virkar bæði sem götuleiðsögutæki og sem göngu/útivistartæki. Hvort sem þú ætlar á einhvern ákveðin áfangastað eða bara ferðast útí óvissuna, þá er tilvalið að vera með eTrex touch við höndina til að skrá niður ferðalagið og deila reynslunni með vinum og vandamönnum. Þú getur líka fundið og hlaðið niður ferðum sem aðrir eru að deila í gegnum Garmin Connect og Garmin Adventures, og eins deilt þínum ferðum með öðrum.

Tækið er með góðan snertiskjá sem gerir tækið notendavænt fyrir alla fjölskylduna og ekki skemmir hvað það er einfalt í notkun. Einfalt er að velja prófíla í tækinu sem eru sérsniðnir að ákveðnum tegundum af útivist. Hægt er að velja göngu, fjallgöngu, hjól, veiði og margt fleira til þess að gera útivistina öruggari og skemmtilegri.

 

Tilbúið til notkunar

eTrex Touch er með öllu sem þarf til þess að njóta útivistar við hvaða aðstæður sem er. Tækið kemur tilbúið til notkunar, beint úr kassanum.

eTrex Touch kemur með reiðhjólafestingu sem einfalt er að festa á stýrið og er því tilvalið fyrir hjólreiðafólk, hvort sem það er á götu- eða fjallahjóli.

Tækið kemur forhlaðið með Garmin TopoActive Evrópukorti fyrir 46 lönd. Þú þarft bara að kveikja á tækinu, ná GPS sambandi og hefja ferðina. Kortin er svo hægt að uppfæra, þér að kostnaðarlausu. Tækið er með 8GB innra minni og rauf fyrir microSD kort, þannig að það er nóg pláss fyrir viðbótar kort, hvort sem það eru landakort eða sjókort.

 

Skelltu þér í fjarsjóðsleit

Prufaðu hina frábæru GPS fjarsjóðsleit sem kallast geocaching.  eTrex Touch gerir fjarsjóðsleitina einfalda fyrir alla. Þú getur vistað staðsetningar og aðrar upplýsingar beint á tækið þitt. Óþarfi að vera með útprenntuð fjarsjóðskort.

eTrex Touch 25 kemur með 3ja ása rafeindaáttavita sem sýnir þér stefnu að áfangastað, jafnvel þó að þú standir alveg kyrr. Það getur hjálpað þér að ná áttum, líka þegar þú stoppar til að taka þér pásu.

eTrex Touch kemur með 250.000 fjarsjóðspunktum sem er skemmtilegt fyrir alla. Allir fjarsjóðspungtarnir koma frá geocaching.com, sem er stærst á þessu sviði í heiminum í dag.

 

Vistaðu og deildu gögnum

Ef þú ert ekki með ákveðna leið eða áfangastað í huga, þá geturðu leitað eftir leiðum inná Garmin Connect eða Garmin Adventures, sem aðrir hafa farið og eru að deila. Þaðan geturðu hlaðið þeim inná tækið þitt og hafið næsta ævintýri. Einnig geturðu búið til þínar eigin leiðir og punkta og sett inná tækið.

Viltu vista og endurtaka ævintýrið? eTrex Touch skráir leiðina sem þú ferð og gerir þér kleift að deila þeim á Garmin Connect eða Garmin Adventures. Einnig geturðu endurhlaðið þeim aftur inná tækið þitt ef þú vilt endurtaka leiðina. Garmin Connect og Garmin Adventures geturðu notað þér að kostnaðarlausu.

 

eTrex gæði

eTrex Touch er nýjasta tækið í eTrex handtækja línunni. Þessi tæki hafa verið notuð við góðan orðstír um allan heim, hvort sem það er í frostinu á heimskautunum, eyðimerkurhitanum í afríku eða rakanum í regnskógunum. eTrex tækin henta við allar aðstæður, og er eTrex Touch engin undantekning.

eTrex Touch styður bæði GPS og GLONASS. Það gerir þér kleift að notast við tvö GPS kerfi, sem þýðir að þú sért sneggri að ná GPS merki og veitir þér meiri nákvæmni í erfiðum aðstæðum. Láttu eTrex Touch sjá um alla erfiðisvinnuna – þú þarft bara að kíkja á staðsetninguna þína og fara eftir leiðsögninni.

Tækið er harðgert, með rispufrían skjá og vatnsheldni samkvæmt IP staðli er IPX7. Rafhlaðan endist í allt að 16 klst og notast við AA rafhlöður sem einfalt er að skipta um á ferðinni, sama hvar þú ert staddur.

eTrex Touch bíður líka uppá fleiri upplýsingar sem að eldri eTrex tækin hafa boðið uppá, eins og veiðiupplýsingar, skeiðklukku, sól og tungl upplýsingar og margt fleira.

 

Nettur og fjölhæfur ferðafélagi

Þetta netta tæki hentar vel í vasa eða á stýrið á hjólinu þínu. Það er líka hannað í þeirri stærð að yngri kynslóðin ræður líka við að nota það.  eTrex Touch er með sleða á bakinu sem hægt er að nota við hinar ýmsu festingar, hvort sem það er festing í bát, bíl, hjól eða bakpoka.

 

Þér gæti einnig líkað við…